Observaciones sobro léxicu y etimoloxía al sur del dominiu asturianolleonés

Pascual Riesco Chueca

Resume

Nun se detecta una continuidá sólida nel léxicu de les fales asturianolleoneses, darréu qu’hacia’l sur del dominiu ye intensa, dende tiempos medievales, la entrada de castellanismos y lusismos, que se sobreponen a un sustratu poco documentáu. La complexa historia del procesu repoblador nesta parte meridional del dominiu crea un sincretismu bayurosu pol averamientu de les variantes que traíen los repobladores. Les sos fales amiéstense, asina, al caudal principal, que vien dende’l norte. Los anovamientos van abriendo camín alteriando mesmo la fonética qu’al traviés de sinonimies de sustitución. El desgaste de les comunidaes campesines, que diben minándose por una emigración intensa, pon en peligru tou esi llegáu. Davezu, dalgunes families léxiques sobrevivieron con dificultá, cuasi algamando l’estatutu del hápax, o con desendolques semánticos sorprendentes, propios de la poca vida que calteníen. L’estudiu comparáu amuesa señales interesantes sobre la historia del léxicu del dominiu.

Pallabres clave

asturianolleonés, estinción del léxicu, lexicografía documental, toponimia

Artículu en pdf Compartir