Reduplicación verbal d’afirmación enfática n’asturianu

Imanol Suárez-Palma

Resume

La reduplicación verbal d’afirmación enfática (RVAE) ta enforma discutida pal portugués européu (Martins, 2007; 2013) y, más de recién, pal español rioplatense (Silva, 2024), onde s’amosó que constitúi una instancia sintáuticamente estructurada de realización de copies múltiples y non una simple repetición discursiva. Sicasí, hasta güei, esti fenómenu nun se describió nin s’analizó de manera sistemática pal asturianu. Nesti trabayu ufierto la primera descripción empírica detallada de la RVAE n’asturianu, documentando la so distribución al traviés de dellos tipos de predicaos, perífrasis verbales y contestos discursivos, con atención especial al so usu como respuesta a entrugues de sí/non. A partir de nuevos datos elicitaos y observacionales, amueso que l’asturianu nun s’axusta exautamente nin al patrón del portugués européu nin al del español rioplatense: permite la reduplicación llocal axacente en contestos enfáticos correutivos (especialmente como respuesta a entrugues negatives y «de coletilla»), pero tamién como respuesta enfática apropiada a entrugues afirmatives o, inclusive, como confirmación enfática d’afirmaciones positives. Defendo que l’análisis xenerativu de doble copia llocal propuestu por Silva (2024) pa la RVAE del español rioplatense pue estendese al asturianu, lo que suxer que l’asturianu taría nuna posición intermedia nun continuu románicu de movimientu verbal a la periferia izquierda y la realización de copies. Estes conclusiones afinen la nuesa comprensión de cómo interaicionen la reduplicación, la polaridá y el discursu dende una perspeutiva interllingüística dientro de les llingües romániques.

Pallabres clave

asturianu, reduplicación verbal d’afirmación enfática, realización múltiple de copies, periferia izquierda, sintaxis románica

Artículu en pdf Compartir