Cuestiones de traductoloxía aplicaes al asturianu

Miguel Fernández-Díaz

Resume

Dende la perspeutiva del asturianu, esti escritu tresllada a esta llingua los aspeutos más fundamentales de la traductoloxía, un campu d’estudiu que sigue medrando ente los diversos estudios filolóxicos asturianos. Ensin buscar una sistematicidá propia d’un manual de traducción al usu, esti trabayu recueye de manera xeneral los conteníos de la disciplina mentada con un enfoque descriptivu dafechu. Primero, inclúyense unes considerances teóriques previes sobre los estudios de traducción en xeneral pa reforciar l’averamientu a un analís traductolóxicu prototípicu: la noción d’equivalencia, la invariable y la unidá de traducción, les distintes téuniques y estratexes traductores o los problemes y errores de traducción. D’igual manera, amiéstase un repasu perriba de la historia de la traducción n’asturianu, necesariu pa la comprensión de les tendencies contemporánees sobre les qu’anguaño s’echen andar nuevos proyeutos. Nel casu del paradigma asturianu, la traducción vien condicionada por cuestiones de tipu sociollingüísticu qu’afeuten tanto a la comunidá de falantes como a la so actividá traductora; ponse equí’l focu sobre la diglosia, ún de los axentes principales na configuración actual del idioma al respeuto del oficiu traductor. A lo cabero, l’artículu ufierta analises de delles traducciones asturianes pa exemplificar les idees anteriores cola mayor claridá posible. Les amueses apurríes sáquense sobre manera d’obres lliteraries bien conocíes.

Pallabres clave

diglosia, equivalencia, téunica de traducción, traducción, traductoloxía

Artículu en pdf Compartir