Entamu

A lo cabero la campaña

  El pautu de la Xunta Eletoral Central foi la última parva qu\'empicó\'l balagar de les discriminaciones. Resolución tala punxo a les clares ente otres coses, per exemplu, qu\'un non dichu por un gallegu tien valir mentantu qu\'un non nos llabios o na papeleta d\'un asturianu nun ye valoratible.

  El pautu de la Xunta Eletoral Central que dexa votar nes llingües del Estáu pero non n\'asturianu tien esa lletura comu tamién el sinificáu de qu\'Asturies nun cuenta nin tien pesu dalgún.

  Mas eso, llastimosamente, persabíamoslo. Sabíamos que naide diba respir pelo asturiano. Sabíamos que naide diba llevantar la so voz na defensa d\'unos drechos costitucionales y estatutarios que son menos drechos, polo que se ve, si naide nun los defende.

  A lo llargo tola campaña del referéndum nin ún solu de los partíos inxerios nes Istituciones fexo un res na llingua asturiana. Nin un solu cartel punxeron n\'asturianu les fuerces xoncíes a los partíos españoles. Nin una sola palabra fiexo ver el drechu d\'esti pueblu a la so llingua hestórica.

  Poro diximos enriba que\'l pautu de la Xunta Eletoral foi lo que punxo\'l ramu de les discriminaciones.

  Asturies nun cuenta pa los españoles. Nun quieren que cuente. Pero lo más grave ye que les fuerces qu\'equí s\'axunten na defensa d\'esti pueblu súmense a les mesmes discriminaciones y tapecen la so falta puxu o iniciatives col silenciu más meigu.

  Curiosamente son los mesmos que llantaron, nun testu fechu lletra muerta, aquello que cincaba a la llingua:

            «gozará de protección. Se promoverá su uso, su difusión»... (Art. 4 del                             Estatuto d\'Autonomía).

  Y yá se nota. Lo que cabero la campaña asoleyó lo que toos,  cuantayá, sabíamos.

 Compartir