Entamu

Una TV d\'Asturies

  L\'inxerimientu de la llingua na TV fecha n\'Asturies supón un pasu alantre nel camín recuperador. El fechu de que s\'allugue nuna ,estaya onde namái de xemes en cuandu s\'asoleyaba, abulta valoratible de mano. Que se faiga sofitándose nel llabor d\'una presona venceyada a los medios de comunicación ye afayaízo y siempre pue ser niciu de que les coses van enveredase per un camín amañosu.

  Mas tamién ye verdá, según les nueses anuncies, que les coses nun son pa llanzar lloes pola iniciativa derréu que l\'asitiamientu de la llingua na TV nun ye más qu\'un símbolu de lo que podría faese. Nun ye una entrada pela puerta grande de la comunicación nin empobina per un camín colos finxos nidios nin bien llantaos.

  Sería motivu de contentu que se dixere cuántu tiempu va tase nesta probe primera estaya -qu\'habría ser percurtia- y cuándu va algamase la posibilidá d\'una comunicación dafechu n\'asturianu. Ye posible que seya pidir muncho pero ye la única manera de saber que\'l símbolu va sustituise pola realidá granible y que nun se va pesllar ente les esencies que de puro vieyes yá nun arrecienden.

  El Gobiernu Asturianu, que debe curiar que\'l país xorreza na so especificidá, tendría \'que pescanciar que los ciudadanos favoratibles a la llingua, y otros que nun rispen tanto por ella, nagüen por sentir recobrada la so voz de pueblu na pantalla y que son ellos los únicos que nun tienen la llibertá d\'escoyer la canal que-yos ufierte la propia pallabra.

  La marxinación d\'Asturies nel tratu televisivu -una más na llarga riestra del siempre aliellu centralismu español- habría encontar un sentimientu de xuntura asturiana, lo único que, llueu o un pocu más a la llarga, fairá que se dea la respuesta afayaíza.

  Una televisión asturiana yá mos ta proveciendo, mas tarnién ye verdá que namái si s\'inxere la realidá d\'Asturies perdayuri y dafechu merecerá títulu talu. De nun se faer asturianamente, ensin los complexos de güei, ensin un fondu cambéu de delles mentalidaes pretendidamente modernes o «universales», sobren y abasten les ruines migayes que dexen cayer en Madrid. Si nun se ye a dar el reblagu que lleve de la TV fecha n\'Asturies a una TV asturiana, val más dexalo pa llueu. Polo menos nun se frañaríen enfotos.

 Compartir