Entamu

   L\'Academia de la Llingua Asturiana, muérganu del Principáu d\'Asturies, empobinada polos sos estatutos que nel artículu 1-e oblíguenla a «curiar los drechos llingüísticos asturianos», vese na necesidá d\'asoleyar la so más fonda esmolición al ser sabedora de que la Conseyería d\'Educación, Cultura y Deporte va nomar a D. Antonio García responsable del agora llamáu «Serviciu de Política Llingüística».

  Esi nomamientu supçon dende la nuesa perspectiva un nidiu incumpiimientu de les promeses del Presidente Silva feches verbalmente al Presidente de l\'Academia hai unos díes, de la mesma manera que dexen ver a les clares la falta de voluntá de bon entendirnientu cola Academia por parte de la Conseyería citada.

  Pero lo que ye muncho más dañible ye qu\'esi facer dexa perclaro que se quier torgar el procesu de normalización llingüística darréu que la trayeutoria d\'Antonio García ye perconocida pente munches presones que vienen esguedeyándose estos años na reivindicación de la llingua. Non sólo nun se pon al frente d\'un serviciu problemáticu a una presona afayaíza sinón que s\'escueye a aquélla qu\'ufierta les mayores rocees.

  L\'Academia de la Llingua Asturiana nestes crítiques circunstancies quier dexar perafitao que nun considera al citáu D. Antonio García interlocutor valoratible y darréu d\'ello ignorarálu perdafechu nes actividaes que séntamen.

  Nel mesmu sen l\'Academia desentiéndese de toa responsabilidá nos fallos que se sigan na escolarización y normalización social llevaos dende\'l citáu «serviciu». Namái a la irresponsabilidá d\'un nomamientu y a la falta de voluntá dialogante de la Conseyería pue achacase esti asitiamientu de l\'Academia que fexo ver munches vegaes a les autoridaes la necesidá de dir acordies y ayenos toos a conductes prepotentes.

  L\'Academia de la Llingua, al mesmutiempu ,que quier facer ver la gravedá del momentu, fai una llamada al bon aquel de los gobernantes pa que s\'alluguen nun camín de collaboración, lloñe de zunes partidistes. Pela so parte esta Academia seguirá trabayando nes estayes que los estatutos dixebren, ensin arrenunciar a les competencies nidiamente dibuxaes nin a la xera del so compromisu asturianu.

                                                                                                      Uviéu, 22 de marzu de 1988.

 Compartir