Entamu

FALAR YE NECESARIO

  El día 29 d\'avientu, nel palaciu del Gobiemu Asturianu, el presidente Silva recibía oficialmente al de l\'Academia de la Llingua. De la llarga conversación caltenida, de xuru que fai falta solliñar les pallabres que, peles dos partes, conseñaben la necesidá de tar nuna mesma intelixencia pal llogru d\'unos pautos qu\'axuntaren postures. Un mes dempués, el 27 de xineru, gracies al calter dialogante del nueu direutor rexonal de cultura, el Gobiemu y l\'Academia empicipiaben a falar.

  Entá ye ceu p\'alvertir llogros y mesmamente pa pescanciar si daqué granible pa la bona política llingüística va seguise darréu. El que s\'allampie polo meyor nun quier dicir que vaye algamase, pero que se conozan les torpes nun ye razón pa que\'l pesimismu mos enarte de mano. Lo que sí ye cierto ye que\'l camín escoyíu del falar posao ye la manera de dir bien empobinaos. Y ello ye tan asina que pue afitase que, si en serio se tomaren les nueses alvertencies d\'hai un tiempu, nun tendríen llugar delles de les llastimoses actuaciones que tamos viendo nestos díes. N\'efeutu, si de nós casu se fexere, enxamás se llevaríen alantre los cursos de Navia y A Veiga entamaos esclusivamente pola entós Oficina de Política Llingüística cola nuesa nidia negativa. De la mesma manera si el nuesu paecer se tuviere presente muncha menos polvoreda ilevantaríen delles insensateces mal pensaes que güei tienen llugar.

  Falar ye siempre necesario. Pero si un mesmu finxu ye la mira -la normalización, dafechu, de la llingua- ye perclaro que la meyor de les relaciones interesen a toos y más a un Gobiemu que persabe que, nesi sen, tien na Academia un llazu de collaboración que, anque cnticu, ye xenerosu, comprensible y eficaz. Nun s\'iguarán asina toles llaceries pero enconxuraránse, quizabes, abondos ñuberos.



Nota oficial

1. L\'Academia de la Llingua Asturiana, acordies colos sos Estatutos (Decretu 9/1981, BROCA de 22-12-81), tien el drechu y el deber de curiar los drechos llingüísticos asturianos (art. 1-e) y, durréu d\'ello, entiende que pue exercer aquelles medíes afayaíces pa que drechos talos se respeten en toles fasteres del Principáu d\'hturies.
 
2. L\'Academia reconoz que tolos asturianos tienen drechu al respetu y emplegu de les sos modalidaes llingüístiques. Y esto caltiénlo l\'Academia pa la totalidá de les tierres del Principáu d \'Asturies.

3. L\'Academia entiende que los mesmos drechos asisten a tolos ciudadanos y encamienta a l\'Alministración asturiana que faiga una política llingüística amañosa per tol Principáu onde\'l respetu a toles varientes nun seya torga pal algame d\'una llingua entándar.

4. L\'Academia urxe al Gobiernu asturianu a que tenga tamién presente les particularidaes de la fastera más occidental d\'Asturies perafitando que\'n mou dalgún debe arrennunciar a ser él quien faiga la totalidá de la política llingüística.

5. L\'Academia de la Llingua Asturima, cimeru muérganu llingüísticu del Principáu d\'Asturies, debe ser consultada a tolos efeutos enantes de tomar medíes trescendentes por entender non sólo que tien la necesaria conocencia científica sinón p ser garante de los drechos llingüísticos encamentaos pola llegalidá.

               Uviéu, 2 d\'avientu de 1988
                                          

                              
                                                                             ACADEMIA DE LA LLINGUA ASTURIANA

 Compartir