Lletres Asturianes

Entamu

LA LLEI QUE YE LLOGRABLE

  El pautu nun foi posible. La \'llei del bable\", pautada dafechu, nun ye posible. Camentábamos que diba se asina. Y nun podía ser otramiente. A lo meyor la crisis social tien qu\'afondar, más entá, pa que les fuerces conservadores abran los güeyos serondos a una realidá cola que, pernidiamente, nun son a amestase.

  Pa nós, de toes maneres, la mumia constación d\'esti fechu nun xenera sinón nueu enfotu na derechura de los nuecos análisis y xuicios: alvertimos de la inviabilidá del pautu y, de dase formalmente, de la inoperancia que diba seguir ciarráu.

  Pero l\'allegría que supón l\'alloñamientu d\'una llei curtia, inservible na so mesma nacencia, habría allargase con una decidida postura asturiana del Gobiernu y del partíu que lu sofita, col encontu de IU. Agora, fechos tolos trámites de la cortesía parllarnentaria, desaniciaes les torpes de les conversaciones múltiples, nun paez que pueda ufiertase una nueva xida qu\'entrabe\'l llogru d\'una llei progresista y que derrompa\'l meyor camín pa la cooficialidá.

  Una política llingüística xenerosamente asturiana asitiará les coses nel bon llugar d\'una recuperación irreversible. Y eso ye llograble mesmamente yá.



Cuestión de xusticia

  Porque creemos que toos habríamos ser iguales delantre la llei.
  Porque naguamos por ser ciudadanos asemeyaos a otros ciudadanos a los que se-yos fui xusticia cuandu la piden.
  Porque olivamos por facer d\'Asturies un país, el nuesu país.
  Porque pescanciamos que dtfender lo asturiano ye un deber y un drechu y non un estigma.
  Porque mos paez que merecemos el respefu d\'obra y pallabra.
  Porque atalantamos que la xusticia pue facese posible nesta sociedá.
  Porque ... porque ... porque ...
  Por foo ello queremos creer na xusticia.. .
  Y too ello pa nun ser xueces de los que rnos insulten, xulguen y prexulguen.
  Ye, namái, cuestión de xusticia.

 CompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
alladixital.org
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana