Quien xulgare los quince años de magar entamó ente nós la moderna reivindicación llingüística, de xuru qu\'alcontranía nicios que llamen fondamente l\'atención. Nunos pocos d\'años pasóse de nun s\'esmolecer un res pola llingua a dexar afitaes les bases de la so normativización y oficialidá. Del so desaniciu educativu foise al so asitiamientu ente les materies -optatives- del deprendimientu escolar. D\'una escritura llarnentablemente circunstancial en versu a una lliteratura, modesta si, pero valoratible.
El problema, comu siempre, ta en carnentar qu\'asina yá se llograren los finxos polos que podía rispise. Y non. Lo único que se fexo foi cortar pela freba -ideolóxicamente- unes conductes ciudadanes que llevaben a nenyuri. Lo que ta ensin facer ye l\'edificiu que tien que se llevantar llueu d\'estos años de trabayu duru pero granible: escolarización dafechu, toponimia xuiciosamente iguada, comunicación, oficialidá...
Pa ello hai que ser humildes ya intelixentes. Humildes pa falar dende les realidaes curties anque allampiando poles posibilidaes que se collumbren. Intelixentes pa persaber que se llucha non a la escontra d\'argumentos sinón d\'intereses, non a la escontra de bisarmes sinón de realidaes fosques llevantaes na nueche de la edá y los prexuicios.
Pero humildes somos ya intelixentes. Por eso ye posible y tase a tiempu pa endrechar lo viesgo. Camudar ye niciu de saber facer. Y si les persones camuden despiésllense puertes que narnái la incomprensión tranca.