Entamu

Dance posiblidaes

  El nueu añu escolar qu\'agora entama ufierta, comu yera d\'aguardar per tolos nicios, una murnia anuncia: que, magar lo asoleyao, nun se da llogrum seriu dalgún na escolarización.

  L\'estancamientu na EXB ye una realidá qu\'arrebate les bones y espansives posibilidaes que cualquiera que tea familiarizao con esa estaya de la enseñanza perconoz.

  El mezquín y antipedagóxicu tratamientu nes EEMM merez la más aceda de les diques polo que supón de torga a un futuru mínimamente normal.

  Sábese que\'l Conseyeru d\'Educación, Cultura y Deportes hereda\'l cargu d\'un antecesor del que la meyor alabanza ye escaecer la so xestión; pero eso nun xustificará yá que, darréu, nun tome les medíes necesaries pa iguar el malfacer d\'estos años.

  Nesti momentu tien nes sos manes toa una riestra baces que favoreceríen dar un pasu alantre ensin les trabes que se llevanten, a vegaes, comu xida. El posible enanchamientu de les competencies estatutaries y la discusión de la LOGSE son dos circunstancies perfavoratibles, al algame de quien, políticamente, quiera trabayar nel afitamientu del idioma d\'Asturies.

  D\'otru llau, l\'añu electoral qu\'entama y el silenciu obligáu, pol so desprestixu, de los sectores ultramontanos, nun dexarán de collaborar con quien nagüe por facer les coses lloñe del amusgáu silenciu d\'unos o del aplagoriu de los más encimzaos.



Pautu internacional

  El XV Conceyu de l\'Asociación Internacional pa la Defensa de les Llingües y Cultures Amenazaes, axuntáu en Niza los díes 26/27, 28 y 29 de xunefu de 1990, apáutase no que vien darréu:

El Conceyu

  Pescanciando que la enseñanza de la Llingua Asturiana ta nuna situación inaceptable por cuenta que non tolos rapazos nun tienen la posibilidá de llograr el so deprendimienfu según les preuisiones del Estatufu d\'Aufonomía.

  Pescanciando que la Toponimia nun ta iguada dafechu n\'asturianu y que la presencia del asturianu nos medios de comunicación ta cuasimenfe desaniciada.

  ENCAMIENTA al Gobiernu Autónomu d\'Asturies:

  1. Que faiga de veres una política de promoción de la Llingua Asturiana.
  2. Que faiga posible la presencia del asturianu na enseñanza ensin discriminación.
  3. Que sofite de mou afayaízu les Insfituciones que trabayen nel desendolcu de la Llingua Asturiana.
  4. Que se fomen les medíes amañoses y necesaries pa la reconocencia de la cooficialidá de la Llingua Asturiana nel territoriu d\'Asturies.

 Compartir