Entamu

Represores na democracia

  Aquello entamó abenayá. Daquella a los neños castigábenlos. A los mozos, rapazos y rapaces de pueblos y llugares, tomábenlos a chacota nes villes. Y aquello yera asina porque yera asina. A tol mundu-y paecía normal. Entós a aquello llamábenlo rise de los paletos y payos, de los que nun sabíen tar, nun sabíen dir, nun sabíen falar.

  Pero güei les coses, camienten dellos, son d\'otra miente y hasta-yos dan otru nome. Nun diz colos nuevos tiempos la burlla descarada y tol mundu -dizse- merez un respetu.

  Pero les coses son comu yeren. Con formes nueves pero con vieyos calces.

  Agora la represión nun esiste -dicen- y en realidá enxamás esistió -perafiten. Agora naide reprime anque prohomes, a vegaes eméritos, torguen una tesis doctoral por dir n\'asturianu, o nieguen -en plural- places universitanes porque se defende lo asturiano, o creen problemes a quien-y dea por emplegar esta llingua o, mesmamente, permitila.

  Pero, non. Nun s\'esmolecer. Eso nun ye represión. Enxamás lo foi. Enxarnás hebo equí represión.

  Nin merez tal nome nun poder votar \"non\" nun referendum, nin dir a la escontra de quien esixe conocencia de la llingua pa facer política llingüística, nin torgar a pas y escolinos que llibremente quieran deprendela nos centros oficiales.

  A nós -a los asturianos- nun se mos reprime, edúcasemos. Nun se mos perxudica porque, andagora, naide mos amburó nes places públiques. Nun se sabe de qué mos quexamos si, en sen contrariu y magar dir a la escontra de toles esencies, entá se mos tolera.

  Por eso naide va a por nós, non. A nós namái nagüen por enseñamos el camín drechu; asina tien tola razón el Delegáu del Gobiernu español cuandu nun acueye un escritu por dir n\'astunanu; y tamién la Xunta Electoral Central cuandu nun almite un testu contra les nucleares porque va en castellán y n\'asturianu. ¡Habráse visto!
¡Un escritu n\'asturianu! ¡Un escritu billingüe!

  Ellos, de fechu, nun reprimen. Enxamás. Ellos defenden la llegalidá. L\'asturianu non sólo nun ye oficial. L\'asturianu, polo que se ve, yá ye illegal. Daqué mos lo alvertia pero agora los datos falen por sí solos. Nun hai represión, non. Lo que pasa ye qu\'ellos tienen tola razón, la razón de la fuerza, la de les vieyes zunes, la del imperiu... Sí, de xuru, ellos son los represores del imperiu, siempre antiguu y siempre nueu, que se-yos esbarrumba argayando.

 Compartir