Entamu

¿Qué pasa n \'Asturies?

  L\'acontecer de les últimes selmanes fixo ver los problemes fondos, de tipu económicu, qu\'enarten al pueblu asturianu. Talmente paez que minería, siderurxa y campu s\'axuntaren andando a la tema por ufiertar delantre los nuesos güeyos el más ermu de los futuros.

  Por si fora curtiu\'l murniu cuadru que se mos dibuxa, los análisis políticos de les posibilidaes inxertes nel Estatutu d\'Autonomía a los diez años d\'asoleyase, nun trabayen un res por alitar los nuesos enfotos nes capacidaes presentes.

  Talmente habría camentase, xuiciosamente, que les coses diríen otramiente nel terrén llingüísticu y cultural, u les competencies y posibilidaes tán toes nes manes de la Comunidá Autónoma. De toes maneres, daquién que quixere averase oxetivamente a la llingua y a la cultura del país, nun sería a sacar conclusiones prestoses nin favoratibles. La cultura ye mirada pola práutica de munchos responsables comu si de xuegos florales se tratare, aliendu mamái de vanidaes provincianes y lloes desmidíes, ensi puxu dalgún qu\'ufiertar con orixinalidá propia. La llingua sigue allugada nos requexos del voluntarismu. ensin una escolarización dafechamente comprometida. ensin unos medios de comunicación que la empleguen y ensin una presencia digna nin siquiera nos nomes xeográficos.

  ¿Qué pasa n\'Asturies pa que mesmamente nes coses que seríen a iguase bien, ensin interferencies de fuera, ensin problemes téunicos enrevesosos, s\'encueyan los xestores o s\'asitien nidiamente
a la escontra de toa posibilidá asturiana? ¿Qué ideoloxíes torguen? ¿Qué carencies, qué complexos, qué intereses acompanguen? Cenciellamente, ¿ú\'l camín que mos dexen cuandu tán por trancamos
toles sendes?

Carta al Presidente

                                                                                                              Ecmu. Sr. Presidente
                                                                                                              Conseyu de Gobiernu
                                                                                                              del Principáu d\'Asturies
                                                                                                              Uviéu
 
 Lleíes les declaraciones públiques fechespor Manuel Frag Iribarne y otres a utoridaesgallegues nel actu d\'inauguración del reemisor de TVG nelmonte Mondigo, a esta Academia, a la escontra de lo que de mano pudiere pescanciase ha¡ unos meses, abúlta-y que tamos delantre d\'un claru espansionismu políticu y cultural por parte de la Xunta de Galicia frente a los intereses asturianos. Nun se trata yá cenciellamente de tacer llegar la ufierta televisiva per calces  llexítimos sinón que se quier influir llingüística y culturalmente nuna llarga fastera del occidente y centro d\'Asturies, comu si se tratare de tierres y xente que tán dientru d\'un oxetivu de llograr la Gran Galicia.   
  Nesi sen ye obligación d\'esti muérganu del Principáu d\'Asturies face-y llegar al Sr. Presidente non sólo la so fonda esmolición porque se dean situaciones d\'estixacer nun contestu democráticu sinón la petición más fonda de que\'l Gobiernu que preside intervenga con midíes afayaíces que torguen esiprocedergalleguista; ente les midíes que deberíen llevase alantre puen alcontrase delles comu les que siguen darréu:
  1. Torgar con tolos medios Ilegales l\'espansionismu forasteru a espenses d\'Asturies.
  2. Crear una televisión asturiana que llegue a tolos asturianos y a toles rexones d\'Asturies.
  3. Facer que la llingua asturiana seya la llingua presente nos medios de comunicación, na enseñanza
y na vida normal del Principáu d \'Asturies.
  L\'Academia de la Llingua Asturiana llamenta que nesti momentu tan difícil p\'Asturies tenga que facer llamamientos d\'esti sen pero tamién tien que facer saber a toles autoridaes qu\'Asturies tien necesidá de midíes de tou tipu que vayan a la escontra de la so crisis xeneral y qu\'enarta non sólo a la economía sinón a la política, a la llingua y a la cultura. Asturies nun se recuperará dafechu enxamás mentantu nun s\'actúe con puxu na totalidá de los elementos que s\'inxeren comu componentes de la personalidá delpueblu asturianu.
  Ta a la so disposición

Uviéu, 12 de xineru de 1992
                                                             

                                                                                                                                 El Presidente

 Compartir