Entamu

Xunta de Toponimia

  Hai dellos díes, y ensin la presencia de la so presidente la Conseyera d\'Educación Cultura y Deportes, constituíase una nueva «Xunta de Toponimia del Principáu d\'Asturies». La nueva xunta, la cuarta, reproduz, y en dellos aspeutos perafita, dellos de los enquivocos de l\'anterior, fecha na última llexislatura y que nin tan siquiera llegó a xuntase na segunda sesión. Asina, por exemplu, prescíndese de delles persones que trabayaren de mou afayaízu nes otres xuntes y prímense criterios que nun s\'axusten a oxetivos téunicos.

  Ye, ensin dubia, un camín torgáu de mano cuandu s\'arrenuncia a iguar una xunta téunica y s\'afita otra onde\'l puxu más grande cómbase del llau de les disponibilidaes polítiques. Pero\'l bon aquel que podría aguardase de la xuntura de criteriu políticu desaníciase col curtiu enfotu nesi terrén asoleyáu pol Direutor Rexonal d\'Educación, na xunta de constitución. Una llamentable realidá y otra ocasión amaliñada nel entamu cuandu yera tan fácil facer les coses al dereches.

 Compartir