Entamu

Pa enfotase xuiciosamente

  En mes de xunu, pasaes yá les eleiciones, esta mesma revista nel so entamu falaba de cómu toles fuerces polítiques apostaren na campaña electoral porque l\'artículu 4 del Estatutu d\' Autonornía sofitare\'l so facer futuru en rellación a la llingua asturiana. A falta d\'un pautu meyor ente los partíos allugaos na Xunta Xeneral bien ta sentir declaraciones asemeyaes que, si bien nun dicen abondo, sí tienen l\'aquel d\'afitase dientru les llendes non sólo de la llegalidá sinón de les munches posibilidaes a que daría llugar un desarrollu amañosu de lo que nelli s\'inxer.

  Poro, agora, a dellos meses de les eleiciones y de la igua del nueu gobiemu del Partíu Popular, bien taría que les declaraciones xenerales vayen dibuxando propuestes concretes onde se collumbre una llinia d\'actuación qu\'alloñe les posibles duldes y rocees que n\'otres dómines pudieren xenerase. Ye verdá que\'l relevu políticu lleva darréu, de xuru, bayura d\'indecisiones y perplexidaes coles que, de mano, nun se yera a contar; pero, d\'otru llau, tamién ye cierto qu\'ello ha afalar pa que se dea con soluciones imaxinatives y amañoses nes qu\'enantes, a falta responsabilidaes públiques, nun se pensare.

  L\'Academia de la Llingua nesi sen quixo y quier ser modelu de responsabilidá y d\'intelixencia de les nueves situaciones creaes. Ufiertó, y nun dexará de facelo nel futuru, les propies erbíes a una collaboración xenerosa col nueu executivu. Supo dir a modo cuandu dalgunes declaraciones podríen convidar a la griesca. Apostó porque\'l tiempu aconseyare a los nuevos responsables, ensin dubia yá informaos perdafechu del asitiamientu de nueso.

  De toes maneres xusto ye dicir que, pa enfotase xuiciosamente en daquién, a tou enfotu fán-y falta yá concreciones práutiques porque, de nun se dar éstes, les meyores pallabres y voluntaes nun sedríen a caltenese.

 Compartir