Entamu

Bayura d'iniciatives

  Que l'esmolimientu pola llingua ya daqué que xorrez perdayuri nun abulta que pueda negase. Tolos díes (o toles selmanes o tolos meses) vese que salen a la lluz nueves iniciatives. Un día ye un conceyu que toma'l determín de dar el norne tradicional -y asturianianu- a les cais. Otru una revista nueva qu'emplega perdafechu la llingua del país. Otru un cartel, un pregón, un concursu que fan del idioma ferramienta amañosa de comunicación. Otru la presentación d'un proyeutu de llei d'usu na Xunta Xeneral, o un recursu alrninistrativu. Otru unes clases d'adeprendimientu. Y asina otru... y otru... y otru...

  Ye ési'l camín per onde ha dise empobinao pa que se vea la fondura de la reivindicación y que nun se trata de naguar por una oficialidá al marxe del puxu social y del enfotu de los más. Los datos sociolóxicos que sofiten el nuesu facer conocémoslos y asina sabemos que'l procesu recuperador ye imparable comu la borrina que naide ye a tornar porque siempre s'esmuz ente les manes abiertes al aire.

  Poro, facer de les iniciatives individuales y coleutives un verbeneru d'actuaciones, una bayura de movimientos, un entremez d'actividaes, equí y allá, nesti pueblu y naquella villa y perdayuri,va ser el meyor argumentu que s'axunte a los razonamientos bien iguaos que, pelo que caltienen de racionalidá, puen resultar ensin xacíu pa los que, teniendo que facelo, malpenes saben lleer o, sabiendo, nun lleen o lleen mal o a medies.

  Porque la nuesa hestoria moderna nun ye sólo la hestoria del bon razonar, non. Los llogros algamáronse cuandu de mano se fexo entender que se tienen les iniciatives -les que faigan falta- y sobre too que, llueu, saben llevase darréu, onde faiga falta tamién.

 Compartir