Entamu

Un trupu texiu de silenciu

  Hai dos meses les cais d\'Uviéu acoyeron una de les más grandes manifestaciones d\'estos tiempos axuntada pol Autogobiernu y la Oficialidá de la Llingua. De lo que foi aquella xornada queden testimonios perfechos a lo cabero d\'esta revista nun memorandum valoratihle.

  De toes maneres, con ser una manifestación importante socialmente, el más tiempu texíu de silenciu tapeció\'l so ésitu de convocatoria y les valoraciones públiques posteriores tuvieron alloñaes de los medios de comunicación. Daqué cosa pasa, ye claro, pa que nun se quiera afondar nel análisis de lo que significa una iniciativa popular que tien el tastu del aire frescu qu\'asoma a un país llaráu de burocracia, de falta d\'imaxinación y ensiu novedaes dignes de consideranza. Daqué cosa ta pasando pa que uun se quiera reconocer que la defensa de la llingua xuncida a un conceutu autonómicu d\'Asturies tien un bon encontu social y ye un camín que merez, pelo menos, dalgo más qu\'un silenciu afogador d\'iniciatives. El llamentu de los que llueu se quexen del ruin pesu que\'l país asturianu tien nel conxuntu español debería llevalos a esaminar, lloñe de los intereses inmediatos, hasta qué puntu\'l silenciu ye responsable cimeru de que nun tomen en serio les propuestes de toa mena que dende Asturies quieran facese. Nun ser a ver que\'l puxu económicu, la defensa económica d\'un país, va veuceyao a la defensa de la llingua y cultura del mesmu, tien comu únicu corolariu un allugarnientu quexicón y al mesmu tiempu ermu de resultaos.

  De toes maneres non too foron silencios. Les fuerces polítiques, pela primera vegada, apautáronse na Xunta Xeneral, el 5 d\'avientu, nuna moción perimportante dende\'l puntu de vista de la política llingüística na enseñanza. Ello nun ta mal pero ello ye curtio. De lo que se fala ye, nidiamente, de la oficialidá de la llingua que ye la única marcación llegal que dexará\'l camín abiertu a les posibilidaes que los fechos sociales aconseyen. Ensin esi llogm llegal nin les declaraciones programátiques nin toles reformes estatutaries algamarán la mínima credibilidá que-yos fai falta.

 Compartir