Entamu

L\'exemplu de Bimenes

  El día 5 de xunetu de 1997 pasará a la hestoria moderna d\'Asturies comu una xornada simbólica, de fonda importancia y de calter únicu na renacencia de la nuesa llingua y cultura. En Bimenes, un pequeñu conceyu del centru del país, onde exemplarmente s\'amiesten les pautes de vida más tradicionales coles más recientes de la minería, féxose posible un pautu ente Izquierda Xunida y Partíu Socialista pel que se proclama la oficiliadá de la llingua d\'Asturies dientru les sos llendes alministratives.

  L\'Academia de la Llingua Asturiana, peratenta a tou fechu que surda na vindicación llingüística, tien güei que felicitar perdafechu al pueblu y a les autoridaes de Bimenes por esta iniciativa llevada alantre col puxu de quien respuende a un fondu sentir de la xente y cola seguranza de facer ver a toos que\'l meyor niciu de qu\'un pueblu se valora a sí mesmu pasa pel respetu a la propia fala, la más bayurosa herencia cultural y señaldosa de los nuesos padres y antepasaos. Cola actitú propia de los pueblos cultos, el Conceyu de Bimenes ufierta a toos l\'exemplu d\'abrise a les nueves posibilidaes de futum ensin arrequexar les vieyes y entá pewaloratihies erbíes culturales.

  De magar esa fecha, Bimenes yá nun sedrá un nome más na llarga riestra de llugares ensin sentíu. Bimenes ha ser, de xuru, un finxu pol que naguarán tolos conceyos pa los que l\'asturianidá seya daqué más qu\'una pallabra eufónica.

  Uviéu, 23 de xunu de 1997

                                                                                             Academia de la Llingua Asturiana

 Compartir