Entamu

¿Un estaturtu na seronda?

  A lo cabero xunetu acoyimos murniamente una anuncia que venía aguardándose: les fuerces polítiqués asitiaes na Xunta Xeneral del Principáu nun llograben el pautu que dexare\'l camín llibre a la igua del Estatutu d\'Auitonomía. La oficialidá de la llingua, refugada polos partíos mayores, yera la torga, según abondes opiniones, que más trabayaba a la cscontra d\'un posihle pautu políticu.

Un branu d\'esmolecimientu llingüísticu
 
  Magar que\'l branu avanzaba y que too facía presumir que nun yera\'l momentu más afayadizu pa dar una contestación amañosa al fracasu de Cuadonga, lo cierto ye qu\'entamaron a espardese pelos medios de comunicación les crítiqucs más dures, d\'un llau pola falta de capacidá na negociación, d\'otru pol ruin enfotu autonomista de los meyor arropaos colos votos.

  La cuestión llingüística, otra vegada, catalizó la mayoría de les discusiones y, otra vuelta, hubo asistise a la llamentable campaña de desprestixu, de llevantos y de manipulación de la opinión pública por xente que tien una presencia nos medios que nun casa nin cola so torcida trayeutoria política, nin cola so capacidá d\'análisis, nin menos entá, cola ética elemental qu\'aconseya nun distorsionar los medios nin apavoriar inventando propuestes llingístiques qüe naide nun propunxo.

A la gueta l\'enfrentamientu

  Delles d\'estes actuaciones públiques diben a la gueta d\'un asitiamientu duru del partíu del Gobiernu y, xusto ye reconocelo, llograron declaraciones (\"En Asturias no hay otra lengua más que el español\", etc. etc.) que fadríen ponese encarnaos pola vergoña a los qu\'entá piensen que, nin por razones polítiques nin por otres de dixebrada mena, se pue pecar contra la lluz de la intelixencia nin contra\'l bon gustu de la información asoleyada nos llibros.

  Daquién, de xuru, naguaba por facer de la llingua, y de la so necesaria oficialidá, una griesca qu\'estremare a los ciucladanos. Daquién. ye cierto. olivaba porque, comu si d\'una nueva guerra de relixón se tratare, se llevantaren toles rocees, tantes, que nun fore posible abrir un camín al civilizáu acuerdu nel Estatutu.

La movilización de la xente

  Civilizáu facer, sí, el qu\'acompangó perdayuri a les estayes más dinámiques y moces d\'esta sociedá que fexo actu de presencia con artículos na prensa, declaraciones d\'oficialidá nos conceyos, resolución d\'emplegar a lo llargo una selmana l\'idioma d\'Asturies nes sos clases, organización de periodistes d\'axuntase na plataforma de periodistes pola llingua, etc. etc. Too ello foi cuayando y un cientu de coleutivos políticos, sindicales, culturales y ciudadanos de toa triba llamaron a una gran manifestación que, según cifres oficiales espardíes pola axencia Efe, axuntó nes cais d\'Uviéu a 25.000 persones pol autogobiemu y la oficialidá.

  Abondes organizaciones y xente abondo, muncho, enforma. Tan enforma comu que namás qu\'ente los visionarios esviaos del camín pue xulgase que ye un únicu partíu y una única fuerza la responsable de llamar conceyu y apuntase tolos tantos del trunfu movilizador.

La llucha de l\'Academia

  En tou esti llargu branu de llucha pola llingua, l\'Academia allugóse nel sitiu que pola so función-y correspondía, faciendo ver a la xente les razones que xustifiquen esguedeyase pola oficialidá comu única vía pa caltener l\'idioma. L\'Academia sacó notes oficiales y fexo los posibles por cumplir lo que ye\'l so mandatu estatutariu, curiar de los drechos llingüísticos asturianos. Eso ye lo que fexo l\'Academia de la Llingua que, na so conducta prudente y a la escontra de los que s\'escuden nes pallabres poco posaes, pudiendo enxamás convocó La manifestación del 5 d\'ochobre. Ye verdá que mayoritariamente
los miembros d\'esta institución, caún según les sos posibilidaes, gustos y preferencies, fexeron pública defensa de la movilización. Pero eso, xusto sedrá reconocelo, tamién ye drechu que-yos asiste comu ciudadanos, el mesmu drechu que sofita a otros \"académicos\" (paradoxes del destín; a tar escontra la oficialidá agora o, mesmamente, a la escontra de la llingua siempre.

Oficialidá, otra vuelta

  Cuandu estes llinies s\'escriben entá ye ceu p\'anunciar que la igua del Estatutu d\'Autonornía entró na recta final. Ye posible que dellos nagüen por pesllar un procesu que, ideolóxicamente, nun-yos resulta prestosu y que, políticamente, aburia. Pero ési nun ye\'l problema de l\'Acadermia nin ella pue da-y salida amañosa. La salida amañosa que l\'Academia proclama al altu la lleva, nel únicu tema nel que pue falar comu institución, nun tien más qu\'un nome, oficialidá. Y, anque dellos quixeren negalo, la llamada a la oficialidá encóntase nel drechu qu\'asiste a los ciudadanos al emplegu del propiu idioma y a la so reconocencia. Curiosamente esa reconocencia dio un reblagu estos díes cuandu la Xunta Xeneral, namái cola astención del partíu del Gobiernu, reconoció l\'asturianu comu llingua propia d\'Asturies. Ye claro que de la declaración de díes enantes (alcordémonos que dicía\'l PP que nun había más llingua que\'l castellán)´pasóse a una consideranza positiva. Pero eso que ta bien yá nun ye abondo. El bon aquel pide, encamienta y aconseya un pautu na seronda que, reconociendo la oficialidá agora, nun alloñe del Estatutu a munchos ciudadanos. Lo que se pide ye un esfuerzu p\'algamar un Estatutu que\'acueya a toos.

 Compartir