Entamu

Nun tracamundiar drechu y política

  Nesti mesmu númberu de Lletres Asturianes dase a la lluz un informe fechu por un profesional del drechu. José Luis del Río, onde se defende comu tesis fonda que l\'Estatu d\'Autononiía d\'Asturies ye inconstitucional al nun s\'inxerir nelli la oficialidá de la Llingua. Amás de les munches considerances que se faen a lo llargo\'l documentu insístese en que la Constitución española refierse a les llingües hispániques fixándose en dos aspeutos: d\'un llau, el que considera la llingua comu bien cultural; d\'otru el que ve nella una erbía pa la comunicación. D\'estos dos elementos l\'Estatutu asturianu namás recueye\'l primeru al falar de la protección del idioma. Del segundu, el que se refier al drechu al usu del propiu idioma, nada nun se diz nin se contempla polo que, de fechu, vase asina a la escontra del esplícitu mandatu constitucional que perclaramente afita que, amás del castellán les demas llingües españoles sedrán tamién oficiales.

  El trabayu de José Luis del Río supón pa l\'Academia un prestosu encontu de les sos postures dao que, de magar los años 80 cuandu consultare al especialista en drechu constitucional Sr. Milà i Massana. caltién y esparde la idea de la inconstitucionalidá estatutaria. Pero, al mesmu tiempu, el citáu trabayu que comentamos, tien el tastu agriu
de quien pervé, otra vuelta, cómu los asturianos recibimos el tratu discriminatoriu más notable ente los ciudadanos del Estáu.

  Dicir esto nel momentu en que se quier iguar l\'Estatutu d\'Autonomía nun abulta que deba entendese comu recursu retóricu sinón comu alvertencia seria. Namái los frívolos, los fatos, o los que dafechu y persiempre tracamundien los planos del drechu y de la política podrán pasar percima d\'esti importante aspeutu allegremente.

 Compartir