Entamu

La Biblioteca Xeneral del Principáu

Ún de los nicios que se tien en cuenta al analizar el grau cultural d'un pueblu ye'l so númberu de biblioteques.
y cuandu lo que se quier ye afondar nel nivel d'investigación que nél puea atopase nun se mira namái el númberu sinón la calidá, tipu y cantidá de llibros y demás posibilidaes.
Asturies tien biblioteques públiques, y delles estimables, anque entá nun se llegue tan
siquiera a contar con una per conceyu.
Asturies cuenta con delles biblioteques emplegaes pelos estudiantes anque nun,paez qu'un públicu estudiantil a la suba tenga, nin muncho menos, cubiertes toles necesidaes nesti sen.
N'Asturies, per otru llau, hai delles biblioteques privaes perbones, gracies al trabayu y preocupación de bibliófilos que rescataron asina del escaecimientu o pérdida bon númberu de llibros en xeneral y de llibros d'interés asturianu más en concretu.
Pero Asturies magar la so población estudiantil, magar los sos munchos titulaos medios y superiores, nun tien una biblioteca xeneral, estrumentu afayaízu d'investigación humanística onde axuntar tolos esfuerzos pa ufiertar aquellos materiales (llibros, microfilmes, copies, etc.) qu'un bon trahayu requier.
Entavía más. Cuantayá que materiales pervaloratibles vienen saliendo d'Asturies, n'abondos casos a la gueta d'un meyor mercador y que, con una política cultural afayaíza, enxamás deberíen faelo.
Unes disposiciones llegales de la Xunta pa que'l Principáu o dalguna Istitución Pública Asturiana puea exercer –y tenga cómo– el drechu d'oución enantes que les biblioteques trespasen les nueses llindes, abúltenmos pernecesaries. Un presupuestu amañosu incrementáu añalmente; unes presones con conocencia, responsabilidá y sentíu asturianu al frente; una política de recuperación direuta de llibros y testos espreganciaos per munches hiblioteques y llibreríes particulares; una fechura de copies de lo que nun puea recuperase; un enfotu nel llogru d'un rescate del gran corpus documental de nueso, etc., sería xera y oxetivu que sería a
algamar la creación de la Biblioteca Xeneral del Principáu, tan necesaria pa una política cultural seria, responsable y asturiana, nel camín de les meyores aportaciones de los nuesos estudiosos.

 Compartir