Apolinar de Rato y Hevia asoleya en 1891 el Vocabulario de las Palabras y Frases Bables que se hablaron antiguamente y de las que hoy se hablan en el Principado de Asturias, seguido de un compendio gramatical, el primer diccionariu espublizáu del asturianu. La calidá del llabor del lexicógrafu valió-y abondes crítiques, pero queda entá por facer un estudiu fondu y sistemáticu de les contribuciones de so, lo que pue dar una idea de los materiales ayenos qu’incorpora al diccionariu o les fontes remanaes.
Analícense dende un puntu de vista cuantitativu les llingües usaes na redaición, los idiomes mentaos como fonte etimolóxica o como equivalentes con evoluciones paraleles nel so léxicu, amás de los datos apurríos pol autor sobre la variedá dialeutal presente a lo llargo de toa Asturies.
lexicografía, diccionarios, Apolinar de Rato y Hevia, Gumersindo Laverde Ruiz