Una sátira de dos asturianos nun periódicu madrileñu de 1845

Xuan Xosé Sánchez Vicente & Lluis Ánxel Núñez

Resume

El Espectador foi un periódicu selmanal, satíricu y críticu col poder que s’asoleyó en Madrid ente 1841 y 1848. Tres númberos de 1845 inxertaron nes sos páxines, del 26 de mayu al 9 de xunu, una especie d’obra teatral dialogada en tres actos, en versu octosílabu y n’asturianu. Dende posiciones de manzorga y afitada na nacionalidá asturiana de los «protagonistes» y del narrador, la obra censura la entrega de los dos personaxes principales, políticos asturianos del momentu y de non poca sonadía, Besugu Traga-treses y Lorito Tricolor, al gobiernu autoritariu y derechista de Narváez, la so corrupción y, nel casu de Lorito Tricolor, la traición a los sos ideales pa dexase comprar. Desgraciadamente nun tenemos el periódicu del 2 de xunu, onde apaeció’l «segundu actu». Trescribimos los otros dos.

Pallabres clave

lliteratura, política, historia, Asturies, Madrid

Artículu en pdf Compartir