Los xuegos de rol de mesa, al emplegase n’asturianu, permiten adquirir competencies llingüístiques nesta llingua y acceder a formes de lliteratura que, por ser orales o híbrides, permiten llegar a una mayor parte d’asturianos y asturianes, anque la so competencia comunicativa y alfabetización nun seyan plenes. D’esti usu de los xuegos de rol surde un procesu non solo de consumu, sinón tamién de creación de lliteratura oral que pue tener implicaciones na producción de formes más ellaboraes de lliteratura de rol (hestories, suplementos, nuevos xuegos de rol...) o, inclusive, sirvir de sofitu a la creación de formes escrites clásiques como’l rellatu o la novela.
xuegos de rol, creación lliteraria, deprendimientu de llingües, lliteratura oral, llingua asturiana