L’oxetu del presente artículu ye ufiertar un curtiu análisis de nuevos escritos, desconocíos fasta agora, del estudiosu alemán Fritz Krüger, nos que se recueyen datos de los sos viaxes a Senabria nel iviernu de los años 1921 y 1922. Amás, faise un pequeñu resume de la biografía de Krüger rellacionada con Senabria. Darréu desenvuélvese una rellación de los trabayos referentes a les fales de Senabria publicaos pol estudiosu. Desplíquense dempués los cuadernos de notes de Krüger que llegaron fasta nós: el cuadernu de notes que valiere como base pa la publicación del Atlas Lingüístico de la Sanabria Interior y de La Carballeda-La Requejada, empobináu por Juan Carlos González Ferrero, y otros dos cuadernos de campu qu’entá se caltienen, teniendo desapaecío’l restu nuna inundación na casa de Krüger n’Arxentina.
Na siguiente fastera d’esti trabayu desplíquense los conteníos de les carpe- tes de Krüger a les que se refier esti trabayu. Dase tamién una llista de les llocalidaes nes que Krüger fixo la so investigación y apúrrese tamién un ín- diz de los conteníos de les carpetes, la cantidá de fueyes de caúna y dellos exemplos de les mesmes. Pa finar dase un pequeñu averamientu a los estudios que se tán faciendo sobre estos documentos.
Senabria, dialeutoloxía asturiana, recoyida de campu, Fritz Krüger