Carauterístiques de la escritura de la canción tradicional asturiana

Héctor Braga Corral

Resume

De la lliteratura escrita n’asturianu hai una cronoloxía granible que contrasta cola probetaya conocencia del usu musical que se fai d’esta llingua. Ello ye pola mor d’una escasa documentación medieval y d’una oralidá na tresmisión musical qu’entá prevalez anguaño. Esti artículu repasa l’estáu bibliográficu de la música en llingua asturiana —en partitures y grabaciones— afitando les carauterístiques llingüístiques qu’espeyen esos trabayos pioneros, pruyendo d’apurrir lluz a dellos mecanismos fonolóxicos y lexicolóxicos arreyaos nes melodíes más vieyes qu’entá caltién la memoria oral del pueblu asturianu: les asturianaes. Asina, va facese too ello per aciu d’exemplos analizaos y roblaos col envís d’atalantar los problemes del pasu oralidá-escritura nel terrén musical y facer biltar la conocencia d’una rica fenomenoloxía malapenes estudiada n’obres d’enclín científicu y académicu.

Pallabres clave

etnomusicoloxía, musicoloxía, léxicu, oralidá, música

Artículu en pdf Compartir