L’oxetu d’esti trabayu ye facer un estudiu de la Lliteratura Infantil y Xuvenil (LLIX) n’asturianu dende una perspeutiva de xéneru. Ye dicir, ver qué llugar ocupa la muyer dientro de la narración y tamién como escritora, too ello rellacionao colos nuevos avances sociales y los nuevos espacios que les muyeres van algamando. Estúdiase tamién la sobrevivencia de la familia patriarcal tradicional, escontra otru tipu nuevu de families y, pa lo cabero, si’l llinguax qu’empleguen los y les escritores ye inclusivu o sigue los cánones usaos hasta agora. Pa ello, utilícense les fiches de cuarenta autores diferentes que nos faciliten llegar a unes conclusiones que se detallen al final.
Lliteratura Infantil y Xuvenil asturiana, LLIX, perspeutiva de xéneru, families tradicionales, llinguax inclusivu.