Ecos de la llingua asturiana a la vera’l Hudson. Un testimoniu en primer persona

Paquita Suárez-Coalla

Resume

La presencia de comunidaes asturianes nos Estaos Xuníos dende fines del sieglu XIX (nes fábricas de tabacu de Tampa) hasta metá del sieglu XX (nes mines de cinc de Virxinia Occidental), foi enforma relevante. Pese a esto, los estudios venceyaos a la cultura asturiana nel mundu académicu norteamericanu —a diferencia de lo que pasó cola cultura vasca, catalana y gallega— son dafechu inesistentes. Cualquier averamientu a esti campu d’investigación fíxose a partir d’iniciatives personales, con un importante componente afeutivu la mayoría d’elles y ensin grandes posibilidaes de continuidá. Nesti artículu faigo una revisión en primer persona de lo que foi la mio contribución a l’asturianística en Nueva York, dende’l momentu nel que llego a esta ciudá en 1994 y empiezo a buscar y crear espacios nos que tengan cabida la llingua, la lliteratura y la cultura asturianes, hasta l’apaición d’esi mundu virtual pandémicu qu’abrió nuevos caminos a la collaboración y qu’entama a facer posible qu’una comunidá muncho más atomizada que la de sieglos anteriores trabaye en comuña y afiance unos estudios que reflexen la nuesa presencia nesti país.

Pallabres clave

Nueva York, Estaos Xuníos, asturianística.

Artículu en pdf Compartir