Delles notes sobre la representación gráfica de les sibilantes africaes predorsodentales nel asturianu medieval

Claudia Elena Menéndez Fernández

Resume

Esti trabayu tien por oxetivu estudiar la palatalización de los grupos llatinos TJ, KJ, K^+E,I n’asturianu, qu’ufren n’época medieval un doble resultáu, sordu [ts] y escritu davezu con grafía «c» o «ç», o sonoru [dz] y escritu davezu con grafía «z». Sicasí, la documentación medieval asturiana presenta abondos casos d’irregularidá gráfica na representación d’estos soníos. D’esta miente, y tres d’una revisión bibliográfica sobre l’estáu de la cuestión, el nuedu d’esta investigación centraráse nel analís comparativu de los étimos MA(T)TIANA, PLA(T)TEA, *PE(T)TIA y MA(T)TEA, poniendo especial enfotu en trazar una comparanza ente los continuadores asturianos y los continuadores, mesmo históricos que dialectales, d’otres llingües de la Romania Occidental. Asina, esti estudiu comparáu enfótase en determinar si la situación d’aparente incoherencia ortográfica que presenten les scripta medievales asturianes son frutu d’un desarrollu propiu o idiorrománicu del asturianu o bien puen ser el testimoniu d’un fenómenu de mayor repercusión con aniciu nuna fase protorrománica.

Pallabres clave

sibilantes, palatalización, grafíes, llingua asturiana, comparanza románica.

Artículu en pdf Compartir