El Proyectu Fernán-Coronas y la poesía inédita del Padre Galo

Adrián Martínez Expósito

Resume

L’oxetivu de les páxines vinientes ye facer una presentación del Proyectu Fernán-Coronas, una iniciativa de la Fundación Valdés-Salas en collaboración cola Universidá d’Uviéu y financiada pola Conseyería de Cultura, Política Llingüística y Turismu del Principáu d’Asturies que se propón axuntar, catalogar, describir, dixitalizar y poner en rede los documentos del Padre Galo, qu’hasta esti momentu s’atopaben espardíos per distintos archivos públicos y privaos. Asina, dase cuenta de los avances realizaos nesti primer añu de trabayu, onde s’estudiaron de manera fonda dos de los principales archivos, entamóse l’estudiu d’un terceru y afitáronse los criterios de catalogación y descripción que s’emplegarán n’archivos socesivos. Como primer amuesa de los afayamientos realizaos, espublícense equí once poemes inéditos de Fernán-Coronas descubiertos nestos archivos.

Pallabres clave

Proyectu Fernán-Coronas, archivu, Padre Galo, poemes inéditos

Artículu en pdf Compartir