Ecos de mi aldea de Matilde de Soignie

Elena Álvarez Rodríguez

Resume

Esti artículu pretende facer un pequeñu analís del poemariu Ecos de mi aldea, escritu pola avilesina Matilde de Soignie al rodiu del añu 1870. El testu descubrióse de recién nel añu 2019, y ta espublizáu na colección Cartafueyos de lliteratura escaecida, editada pola Academia de la Llingua Asturiana. Pertenez a les corrientes lliteraries predominantes na Asturies del sieglu XIX, marcaes pol costumismu y polos temes d’emigración, romeríes…, mui presentes na época y n’otros autores coetáneos, como Marcos del Torniello o Fernández Usatorre, «Nolón». Nel trabayu, depués d’introducir a l’autora presentando los datos biográficos que conocemos, faise un estudiu de los conteníos que nel poemariu s’inxeren, amás de describir les formes poétiques y la estructura na que se presenten los distintos poemes que lu componen; poemes nos que se recueye amás una visión de la muyer y el so papel na sociedá que ye de gran interés, sobre too si se tien en cuenta el contestu y época na que tán escritos.

Pallabres clave

Matilde de Soignie, Ecos de mi aldea, lliteratura asturiana, igualdá de xéneru, poesía, sieglu XIX

Artículu en pdf Compartir