Esti trabayu desendolca la propuesta d’un principiu d’imbricación que fai posible inxertar los fraseoloxismos unos n’otros, dando llugar a amplificaciones que nun xustifiquen un incrementu taxonómicu de les subclases fraseolóxiques, porque sedríen operaciones (micro)sintáutiques ente frasemes. La tensión ente la fixación interna propia de tou fraseoloxismu y la so capacidá de mutua imbricación ayuda a comprender la convivencia contradictoria ente la fixación que define estes unidaes na llingua y la variación que demuestren nel discursu. Con esti oxetivu, el nuesu estudiu trata paralelamente distintos tipos de frasemes n’español, francés, italianu, portugués, catalán y asturianu.
fraseoloxía contrastiva, taxonomía fraseolóxica, colocaciones complexes, construcciones fraseolóxiques, llingües romániques.