Topónimos documentados en el Libro de Apeos de Mansilla Mayor (León, 1746)

Teresa Llamazares Prieto

Resume

El Llibru d’Apeos de Mansilla Mayor ye un documentu del sieglu XVIII, manuscritu nun tomu y curiáu na ilesia de la mesma localidá, onde se rexistren les llendes de toles posesiones de los habitantes d’aquel entós, incluyíes les de la mesma ilesia. Mansilla Mayor ye un conceyu de la provincia de Lleón, asitiáu na fastera o comarca conocida anguaño como Esla-Campos. Ente’l so patrimoniu arqueolóxico y monumental atópase l’asentamientu de la ciudá ástur y romana de Lancia y el monesteriu cisterciense de Santa María de Sandoval (sieglu XII). Llingüísticamente falando, la zona asítiase nel asturianolleonés central. Esti trabayu arrexunta tolos topónimos citaos nesi documentu y constata aquellos qu’inda güei son conocíos polos sos vecinos y que suponen un 35 o 40% de los documentados nesi manuscritu. Del analís del documentu constátase la presencia de formes toponímiques tradicionales (como Llama, Castro, prefixu so- y sobre-, abondancial en -al, caltenimientu del grupu -mb-, ente otres) lo que dexa algamar conclusiones rellacionaes con usos llingüísticos del antiguu dominiu ástur. Nesti sentíu, y en rellación al vocabulariu, ye interesante atopar documentaes voces con un usu anguaño desapaecíu dafechu o que ta en francu retrocesu, como les palabres ejido, ferreñal o ferrenal o dos abondanciales fitotoponímicos como olmar y ponjal. La concentración parcelaria de la zona y l’amenorgamientu esmolecedor de la población del conceyu faen urxente la coyida y documentación d’esi patrimoniu toponímicu en peligru de desapaición.

Pallabres clave

llibros d’apeos; toponimia; sieglu XVIII, asturianolleonés central

Artículu en pdf Compartir