La (in)visibilidad de las lenguas regionales en el paisaje lingüístico de Asturias y de Galicia

Marta Sobocińska

Resume

Esti trabayu investiga les llingües asturiana y gallega, asina como la presencia de les mesmes nel espaciu públicu. Considérase que l’análisis del paisaxe llingüísticu (linguistic landscape) dexa especificar el nivel de la visibilidá del idioma dau y estremar los factores que lu determinen. La primer parte del artículu céntrase n’aclarar les nociones básiques rellacionaes col fenómenu del plurillingüismu y presentar informaciones sobre la diversidá llingüística d’Asturies y de Galicia. Conséñense tamién les publicaciones más recién o más relevantes que traten la mesma problemática. Darréu, descríbense los resultaos d’un estudiu compuestu de tres etapes. Les dos primeres investiguen el paisaxe llingüísticu d’ocho fasteres rurales y urbanes d’Asturies (Xixón, Uviéu, Mieres del Camín y Cuideiru) y de Galicia (A Coruña, Santiago de Compostela, Vilagarcía de Arousa y Muros). La tercera ye, sicasí, un análisis contrastivu que tien como oxetivu principal distinguir los factores diatópicos y diafásicos qu’influyen nel nivel de la visibilidá de les llingües llocales nel espaciu públicu de les dos rexones p’alcontrar paralelismos y dixebres ente elles. El corpus fotográficu, que dispón de más de quinientes semeyes, foi creáu especialmente pa esti trabayu.

Pallabres clave

Sociollingüística, política llingüística, llingua asturiana, llingua gallega, paisaxe llingüísticu, análisis contrastivu

Artículu en pdf Compartir