El trabayu afonda nel comportamientu de la llingua de los ástures (astúricu) na vocalización de les sonantes nasales que resulten del grau-cero de la raíz proto-indoeuropea (PIE), con bás nes referencies escrites tresmities polos autores clásicos y les fontes epigráfiques y toponímiques güei reconocibles. L’analís fáese en comparanza coles soluciones de les llingües indoeuropées occidentales, célticu, lusitanu y llatín, nun intentu d’asitiar el prerromán astur no que se presenta como un paisaxe llingüísticu peninsular complexu, con al menos dos llingües indoeuropées conocíes. A lo cabero, fáense delles propuestes etimolóxiques a traviés del métodu reconstructivu, aplicando l’apofonía astúrica y les lleis fonétiques conocíes direutamente sobre les raices proto-indoeuropées, fuxendo de términos intermedios conseñaos nes otres llingües históriques.
Indoeuropéu, astúricu, etimoloxía