L’oxetivu d’esti trabayu ye dar cuenta de la pervivencia del sistema de sobredenominación que, especialmente na Asturies rural, vien emplegándose frente al sistema oficial, pesie al so retrocesu evidente por causes como’l despoblamientu del campu. Pal estudiu tomáronse como referencia 190 sobrenomes con oríxenes destremaos –delexicales, detoponímicos y deantroponímicos– recoyíos en nueve llugares de la parroquia de Cocañín (SRA). Analízase la so tipoloxía, posible motivación, formes de tresmisión ya herencia y caracterización sintáctica y morfolóxica.
Onomástica, sobrenomes, sistema, Cocañín, Samartín del Rei Aurelio.