Nesti artículu preséntase una descripción de les traces fonétiques de la partícula ho, que tanto caracteriza la fala asturiana, col envís d’afayar la so entidá prosódica y esaminar el papel pragmáticu que xuega na interpretación del enunciáu. Estúdiense les modalidaes d’enunciación nes que se manifiesta y repárase en qu’actúa como refuerzu espresivu de la entonación. Funciona como marcador discursivu empobináu a fortalecer la cortesía verbal.
Llingua asturiana, modalidaes discursives, marcadores discursivos