Llectura y valoración del Viaxe del Tíu Pacho…

Xuan Xosé Sánchez Vicente

Resume

Estúdiase la cadarma, los personaxes y la hestoria de la obra d’Enriqueta González Rubín. Sorráyase la partición del tiempu en tres «xornaes». Apuntada la construcción de los personaxes, señálase como’l principal, Pacho, ye una mezcla del aldeanu cuciu y llistu y, al empar, del tontu, lo que permite rise d’él a otros personaxes y al llector. Al mesmu tiempu, en cuantes «llistu», ye portavoz de les posiciones sociales y polítiques de l’autora. La novela ye en parte deldora de la tradición asturiana, particularmente de Marirreguera. Xunto con esti elementu encadarmador marirreguerianu, la ironía y la visión estrañada son los estructuradores principales del discursu. La parte de papel de personaxe tontu permite desplicar dalgún elementu del testu («el momentu pote») del qu’hasta agora nun teníamos desplicación afayadiza.

Pallabres clave

Cadarma, personaxes, personaxe llistu y tontu, marcu marirreguerianu, ironía, visión estrañada, crítica social y política, pote

Artículu en pdf Compartir