Los xestores educativos énte’l valir social, cultural y educativu de la Llingua Asturiana. Un estudiu empíricu.

Isabel Hevia Artime & Xosé Antón González Riaño

Resume

Nun contestu de reforma educativa, les opiniones de los direutivos de centros escolares cueyen una especial importancia non solo pola mor del so llideralgu pedagóxicu, sinón tamién en función de la puesta en práutica de tales reformes. Nesti sen, l’estudiu qu’apurrimos toma en consideración les opiniones de los xestores educativos de centros públicos d’Educación Primaria d’Asturies al rodiu de la enseñanza del asturianu. Los resultaos afiten el nidiu compromisu de los equipos direutivos colos valores sociales, culturales y educativos que representa esta enseñanza.

Pallabres clave

Enseñanza del asturianu, educación primaria, opiniones de los xestores educativos.

Artículu en pdf Compartir