Determín de comportamientos xeneracionales nel Surdimientu a la lluz de pruebes paramétriques pal contraste de variables

Xuan Santori Vázquez

Resume

L’oxetivu d’esti trabayu ye analizar y describir per aciu de metodoloxía estadística la esistencia o non d’opiniones estremaes ente les agrupaciones xeneracionales del Surdimientu y si esa pertenencia a un grupu surdimentista concretu determina un comportamientu y pensamientu específicu. Al empar, va pescudase en qué paeceres s’enfrenten los tres grupos surdimentistes. Les árees d’estudiu d’esti trabayu son l’ámbitu del escritor, el procesu de normalización social y el d’estandarización del asturianu, descritos na base de datos xenerada pa la tesis doctoral defendida pol autor apocayá («Papel de los escritores del Surdimentu na recuperación del asturianu. La visión del escritor»).
Con esi envís van encarase dos tipos de variables: una oxetiva y axal; l’adscripción por edá a una xeneración surdimentista, y otres de tipu suxetivu referíes a les percepciones de los escritores alredor de los fenómenos sociolliterarios y sociollingüísticos que surden del llabor como escritor y de los procesos normalizador y estandarizador. Pal tratamientu de los datos y l’afitamientu de diferencies van usase arriendes del estudiu descriptivu de frecuencies, les pruebes d’análisis de varianza factorial ANOVA y la post hoc Sheffé.

Pallabres clave

Asturianu, sociollingüística, Surdimientu, Normalización, estandarización, xeneraciones, ANOVA.

Artículu en pdf Compartir