Distribución geoparemiológica de refranes meteorológicos asturianos

Xosé Afonso Álvarez Pérez

Resume

Esti artículu ye un averamientu al estudiu de la distribución xeográfica de los refranes meteorolóxicos afitándose na collaboración ente la Xeografía Llingüística y la Paremioloxía. La primer parte del trabayu ye una reflexón teórica qu’espón dellos procedimientos metodolóxicos imprescindibles pa entamar con esti tipu d’enfoque. La segunda parte amuesa destremaes posibilidaes d’investigación xeoparemiolóxica, emplegando refranes recoyíos n’Asturies. En primer llugar, conséñase la estrecha venceya qu’esti tipu de proverbios caltién col territoriu al que pertenecen y col clima particular de cada fastera. Darréu, esamínase la esistencia de paremiotipos esclusivos del territoriu asturianu, pa los que nun se conocen paralelos nel restu de la Romania. A lo cabero, ufiértase una amuesa de patrones de distribución xeográfica de refranes, mirando tanto pa variantes formales como de conteníu.

Pallabres clave

Dialectoloxía, Paremioloxía, Xeoparemioloxía, refrán, meteoroloxía.

Artículu en pdf Compartir