Partiendo de los resultados del llabor investigador de, ente otros autores, X. Ll. García Arias, preséntase nesti trabayu un averamientu contrastivu o comparativu a la toponimia asturiana afitando semeyances y paralelismos con una zona xeográficamente alloñada, Andalucía. Eses semeyances y paralelismos esplíquense en parte por razones históriques, en parte pola universalidá de los mecanismos de la creación toponímica. Por razones d’espaciu, l’estudiu algama namái un ámbitu temáticu específicu, los topónimos rellacionados cola fauna. Perpasando los exemplos concretos que s’espliquen, quier tamién llamase l’atención sobre l’enfoque comparativu, que n’opinión del autor habríen aplicar de forma sistemática tolos investigadores que trabayen en cuestiones de recopilación ya interpretación de los nomes de llugar de forma xeneral.
Onomástica, Toponimia, topónimos rellacionaos cola fauna, Andalucía, Asturies, enfoque comparativu.