Fáense nesti trabayu delles entrugues sobre los verdaderos anicios de la ciudá d’Uviéu y, sobre manera, de la so diócesis nos primeros sieglos altomedievales. L’autora parte del fechu de qu’eses entrugues son anguaño inevitables, llueu de les caberes ayalgues arqueolóxiques, y de la seguranza de la manipulación de los rexistros documentales en sieglos posteriores por munches y destremaes causes. L’autora nun quier otramiente plantegar entá hipótesis al considerar que ye tovía pronto pa poder facelo con daqué seguranza, a la espera de que’l rexistru arqueolóxicu quiciabes pueda poner lluz en dalgunes d’eses cuestiones.
Historia d’Asturies, altu medioevu asturianu, monacatu asturianu, ciudá d’Uviéu, diócesis d’Uviéu, diócesis de Britonia, oríxenes.