Patrones temático-formales na narrativa curtia de Xosé Álvarez «Pin»

José Antonio Calzón García & Paula Pulgar Alves

Resume

Analiza esti trabayu la obra lliteraria de Xosé Álvarez Fernández, «Pin», (Cigüedres-Miranda *1948-†1998), fundador y secretariu xeneral de la asociación «Conceyu d’Asturies» de Madrid y del que nun esisten munches referencies dientro de l’actividá crítica fecha colos escritores de llingua asturiana del periodu de la transición. Afitándose nuna antoloxía de los sos cuentos, asoleyada nel añu 2000, los autores estremen un total de seis bloques temáticos y algamen delles conclusiones ente les que se señala la de que, al marxe de les innegables cualidaes de tipu lliterariu y de que los rellatos del autor sían fíos d’un tiempu, la obra de «Pin» ye una clara defensa de la cultura y de la llingua asturianes. Señálase asina mesmo’l desconocimientu actual de la obra d’esti autor, personaxe fundamental del Surdimientu asturianu.

Pallabres clave

Xosé Álvarez «Pin», Surdimientu, llingua asturiana, lliteratura, crítica lliteraria, emigración.

Artículu en pdf Compartir