Los estudios asturianos de Xosé Lluis García Arias constituyen un importante pasu alantre na investigación lexicolóxica y permiten a los diccionarios de la estaya románica referencies a una rede de rellaciones enforma más llarga que nel pasáu (tamién no que se refier a la curtia presencia del asturianu nel rew). esti avance val tamién pal LEI (Lessico Etimologico Italiano) qu’equí se presenta: ente los oxetivos declaraos del Lei alcuéntrense les observaciones de la estaya italorromance non solo en referencia a la estaya llatina y a les estayes de contautu históricu y xeográficu, sinón tamién en rellación al restu del dominiu románicu. La comparanza ente dellos exemplos de los artículos del Lei, yá asoleyaos o p’asoleyase, y los nuevos materiales de la estaya asturiana permite una serie de reflexones imposibles hasta esti momentu, tanto pa l’actualización del patrimoniu léxicu románicu disponible como pal ameyoramientu cronolóxicu; y tamién la posibilidá de reorganización de los materiales italianos y dialeutales, incluyendo los antiguos, a la lluz de los testimonios asturianos. Tómense en consideración les voces asturianes aborrir, agriu, agraz, aladru, agrillar, bisin, calina, llandiu, canastru.
Lexicoloxía, etimoloxía, Lessico Etimologico Italiano (LEI), llingua asturiana, dominios llingüísticos románicos.