Esti trabayu ye la primer amuesa de dellos resultaos algamaos pol trabayu en marcha sobre’l papel de los y les escritores na recuperación del asturianu. L’oxetivu del trabayu ye la fechura d’un perfil básicu de paeceres al rodiu del oficiu d’escritora, el papel que tien l’autora na recuperación nel ámbitu social y na consolidación de la variedá estándar asturianu. El marcu xeneral d’esti estudiu ye’l del ámbitu de la sociollingüística y faise per primer vegada enfocáu nel colectivu de muyeres escritores col aquel de tentar a estremar dalgún visu de xéneru.
Sociollingüística, llingua asturiana, procesu de recuperación del asturianu, variedá estándar, papel de la escritora, lliteratura de xéneru.