Preséntase nesti trabayu l’estudiu codicolóxicu de los testos recoyíos nel documentu denomáu Libro del Prior, un testu manuscritu de lo cabero’l sieglu XV asitiáu nel Archivu de la Catedral d’Uviéu y ellaboráu col envís de conseñar toles posesiones que daquella pertenecíen al Cabildru d’esta Catedral, dexando constancia de les mesmes, los sos finxos y la so esplotación. L’estudiu codicolóxicu quixo facese col mayor procuru, contemplándose nél la forma del testu y la ornamentación, la fechura, la utilidá pa los cargos eclesiásticos y pa la población, los escribanos que copiaron el testu y les destroces provocaes pol tiempu y les manes peles que foi pasando.
Estudios codicolóxicos, Libro del Prior de la Catedral d’Uviéu, sieglu XV.