N’Asturies, la sidra ye ún de los sectores más importantes de la industria agroalimentaria. El vinu asturiano, per so parte, tenta d’algamar un güecu nel mercáu dempués de cuasi un sieglu d’abandonu de la so producción industrial. Nesti trabayu abórdase l’estudiu onomásticu de los nomes de fabricantes asturianos actuales de sidra y vinu, asina como de los productos que comercialicen, partiendo del presupuestu de que les marques comerciales espeyen non solo’l funcionamientu del mercáu sinón tamién la mentalidá de la sociedá na que surden. Apréciense diferencies importantes ente la onimia sidrera y la vinatera, dalgunes d’elles en rellación direuta con circunstancies que dixebren dambos sectores industriales.
Onomástica, marques comerciales, sidra y vinu d’Asturies.