Los problemas de la diptongación del asturleonés a la luz de la Romanística

Fernando Sánchez Miret

Resume

Repásense nesti trabayu cinco problemes de la diptongación n’asturlleonés: 1) la situación de los testos antiguos, onde abonden les formes ensin diptongu; 2) los casos ensin diptongu nos dialeutos modernos; 3) la presencia de diptongos antietimolóxicos; 4) la diptongación de la conxunción ET y del verbu SUM; 5) l’asimetría aparente na evolución de /ɛj/ y /ɔj/. Pa los cuatro primeros problemes ufiértense dellos paralelos n’otres llingües romances que nos amuesen que los datos del asturlleonés nun son tan problemáticos como a primer vista pudiere paecer. Pal quintu problema recuéyese la hipótesis de Carmen Pensado, pa quien nun hubo diptongación de /ɛ/ y /ɔ/ en contautu con yod y wau. A la lluz de los datos conclúise que nun paez posible determinar si l’asturlleonés medieval prefería la diptongación de /ɛ/ y /ɔ/ o la so confusión con /e/ y /o/. La situación que paez reconstruise ye la d'una variación interna ente dambos resultaos dientro del dominiu asturlleonés.

Pallabres clave

Diptongación, asturlleonés, clasificación de llingües.

Artículu en pdf Compartir