Averamientu hestóricu a la Parroquia de Carda al traviés la toponimia

José Antonio Longo Marina & Ángel Fernández Barredo

Resume

Nesti trabayu náguase por siguir afondando nel usu de la toponimia como ferramienta de reconstrucción hestórica, escoyendo pa ello microespacios que faciliten l’estudiu y cartografía de la toponimia col enfotu d’aplicalo nel procesu hestóricu de la formación de los núcleos de población. Nesti casu trátase de la parroquia de Carda, en conceyu Villaviciosa (centru d’Asturies). L’oxetivu caberu, en fin, ye apurrir al traviés d’estos pequeños averamientos toponímico-hestóricos, un modelu d’estudiu aplicable a otres parroquies y también a espacios territoriales más grandes. 

Esti modelu tendría de ser útil pa conocer la distribución del espaciu pero tamién pa conocer el desendolque cronolóxico-hestóricu del mesmu.

Pallabres clave

Toponimia, reconstrucción hestórica, Villaviciosa, Carda, desendolque cronolóxico-hestóricu

Artículu en pdf Compartir