De la derivación verbal a la derivación axetival: evolución del sufixu protorromance */ˈ-or-e/ nos idiomes romances

Hugo Carbonnelle

Resume

Esta investigación examina la evolución del sufixu protorrománicu */-ˈor e/ nes llingües romániques, poniendo l’énfasis na so tresformación funcional. En llatín clásicu, esti morfema yera mayoritariamente productivu na formación de sustantivos a partir de bases verbales; nos idiomes románicos, heredóse y reutilizóse principalmente pa crear sustantivos a partir d’axetivos, lo que ilustra un desplazamientu semánticu y morfolóxicu significativu. Esta busca ye comparativa y diacrónica: un corpus representativu de diez llingües – sardu, dacorrumanu, italianu, friulanu, francés, occitanu, catalán, español, asturianu y gallegu – ta analizáu y contrastáu colos datos del llatín escritu y del protorromance reconstruíu. Esta perspeutiva desvela los factores morfolóxicos, semánticos y lexicales que modelaron la evolución del morfema */-ˈor e/ y permite entender cómo los falantes del protorromance lu analizaron, y fixa especialmente en tres aspeutos: la naturaleza de les bases derivacionales seleicionaes, la importancia de redes lexicales y la converxencia con otros sufíxos asemeyaos. La investigación aclara, asina, los mecanismos que actúen na historia del protorromance y de les llingües romániques ya ilustra cómo la consideranza de distintos factores llingüísticos, dende una perspectiva estructuralista, pue desplicar el cambéu de función d’un afixu y la evolución de los procesos derivacionales.

Pallabres clave

análisis diacrónicu, comparanza románica, protorromance, sufixación

Artículu en pdf Compartir